Gahti Galai #43: KAJA AI SAMARI MASHA A LAM (Luka 10:25-37) — Kachin Responsive Reading

KAJA AI SAMARI MASHA A LAM

(Luka 10:25-37)

Woi awn ai wa · Leader (1)

Shaloi, yu mu, tara sara langai mi rawt nna, "Sara e, n htum n wai asak lu la hkra ngai kaning rai na rai ta?" ngu nna shi hpe san dinglik chyam yu wu ai.

Hpung masha ni · Congregation (2)

Yesu gaw, "Tara laika hta kaning nga ka da a ta? Nang kaning nga hti n ta?" ngu nna shi hpe tsun wu ai.

Woi awn ai wa · Leader (3)

Dai wa gaw, "Dai Madu, na a Karai Kasang hpe, na a kraw lawang mahkra hte, na a myit masin mahkra hte, na a n-gun lagaw mahkra hte, na a myit mang mahkra hte, nang tsaw ra lu na ndai; na a htingbu wa hpe mung na a hkum hte maren tsaw ra lu na ndai, nga ai," ngu nna htan wu ai.

Hpung masha ni · Congregation (4)

Yesu gaw, "Nang htan ai ga teng nga lit dai; shing rai u, shaloi nang asak hkrung na rin dai," ngu nna shi hpe tsun wu ai.

Woi awn ai wa · Leader (5)

Rai ti mung dai wa gaw shi a ding hpring ai shapraw dan mayu nna, "Nye htingbu wa gaw kadai wa rai na a ta?" ngu nna Yesu hpe tsun wu ai.

Hpung masha ni · Congregation (6)

Yesu gaw, "Masha langai mi Yerusalem mare nna Yerihko mare de yu wa yang, damya hkrum wu ai: dai ni gaw shi a hpun palawng raw kau nna, nhtum nni di kayat nhtawm, ganoi noi si sa yang she, kau da nna wa mat ma ai.

Woi awn ai wa · Leader (7)

Shaloi hkinjawng langai mi dai lam hku hprang hkrup nna, dai wa hpe mu jang, koi kau da wu ai.

Hpung masha ni · Congregation (8)

Dai hte maren Lewi masha langai mi mung, dai yang du nna, dai wa hpe mu jang, koi kau da wu ai.

Woi awn ai wa · Leader (9)

Samari masha langai mi mung dai lam sa wa yang, dai wa kaw du nna, shi hpe mu jang, matsan yu dum ai hte sit sa nna,

Hpung masha ni · Congregation (10)

Shi a nma ni hta namman hte tsabyi ru bun nhtawm, ahkyen kayawp wu ai: shi a lawze hta mung dai wa hpe shajawn nhtawm, manam nta langai mi de lakawn wa nna, lajang ya wu ai.

Woi awn ai wa · Leader (11)

Hpang shani e shi gumhpraw lap lahkawng shaw nna, dai manam nta madu wa hpe ya let tsun wu ai gaw, "Ndai wa hpe yu lajang ya e; shi a majaw nang jan ma ai ma de gaw, ngai bai wa jang she, nang hpe wa wa na de ai," ngu da wu ai.

Hpung masha ni · Congregation (12)

”Dai masha masum hta damya hkrum ai wa hte htingbu daw ai wa gaw, kadai mahtang re ai, ngu nna nang myit n ta? ngu nna htan wu ai.

Woi awn ai wa · Leader (13)

Dai tara sara gaw, Dai wa hpe matsan dum ai wa re ai, ngu wu ai. Yesu gaw, Nang mung dai zawn wa galaw u," ngu nna shi hpe tsun dat wu ai.

Complete Gahti Galai Directory — All 53 Kachin Responsive Readings

Gahti Galai comprises 53 liturgical scripture readings used in Jinghpaw (Kachin) Christian worship services, structured for alternating proclamation between the worship leader (Woi awn ai wa) and congregation (Hpung masha ni). Select any reading below to open its full text.