Gahti Galai #39: WENYI A MYIT HKRUM AI LAM (Ehpesu 4:1-8, 11-13) — Kachin Responsive Reading

WENYI A MYIT HKRUM AI LAM

(Ehpesu 4:1-8, 11-13)

Woi awn ai wa · Leader (1)

Dai re ai majaw, nanhte hpe shaga la manit dai shaga la ai lam hta e, nanhte ging dan ai hte hkawm nga myit ga, dai Madu a jaw e bawng dung ai wa, ngai gaw, nanhte hpe shadut jahkat ma de ai.

Hpung masha ni · Congregation (2)

Lam shagu hta myit nem ai hte lam shagu hta myit gyip nna, myit galu kaba ai hte, a hkawm nga mu:

Woi awn ai wa · Leader (3)

Wenyi a myit hkrum ai lam hpe ngwi pyaw ai makyit sumri hte hkan shatup na, larau ladau rai nga mu.

Hpung masha ni · Congregation (4)

Nanhte hpe shaga la ai lam hta, myit mada shara langai sha de, shaga la manit dai hte maren, hkumhkrang langai sha hte Wenyi langai sha rai nga ai:

Woi awn ai wa · Leader (5)

Madu langai sha, makam masham langai sha, baptisma lam langai sha rai nga ai:

Hpung masha ni · Congregation (6)

Yawng mayawng a Kawa ngu ai Karai Kasang mung langai sha rai nga ai: shi gaw yawng mayawng a ntsa e rai nga nna, yawng mayawng hpe sharai ai hte, yawng mayawng a kata e rawng nga ai.

Woi awn ai wa · Leader (7)

Dai hta kaga, Hkristu a kumhpaw kumhpa hpe sharam ya mi ai hte maren, anhte langai hte langai hte hpe dai chyeju ren di mi ai.

Hpung masha ni · Congregation (8)

Dai re ai majaw, Shi gaw tsaw ai shara de lung wa yang, Bawng dung ai ni hpe rim la nna, Masha ni hpe kumhpa jaw mu ai, nga nna tsun ai.

Woi awn ai wa · Leader (9)

Hkristu a hkum hpe shagrin jat wa u ga, gun hpai ang ai bungli a matu, chyoi pra ai ni hpe shakup shatsup na,

Hpung masha ni · Congregation (10)

Shi gaw nkau mi hpe kasa, nkau mi hpe myihtoi, nkau mi hpe kabu gara shiga hkaw hkawm ai ni, nkau mi hpe hpung up hte sara di nna, jaw da shajang mu ai:

Woi awn ai wa · Leader (11)

Anhte nga manga hte gaw, dai makam masham a myit hkrum na lam hte, Karai Kasang a Kasha a chye chyang ai hpunda hpe dep lu nna, hkum tsup re ai masha ngu ai, Hkristu hte shadawn ram ai gawng shing-yan a lanang hkap lu hkra, rai na rai nga ai:

Complete Gahti Galai Directory — All 53 Kachin Responsive Readings

Gahti Galai comprises 53 liturgical scripture readings used in Jinghpaw (Kachin) Christian worship services, structured for alternating proclamation between the worship leader (Woi awn ai wa) and congregation (Hpung masha ni). Select any reading below to open its full text.