SANAT NDAI GRAI JAP AI
BUM LAI
Shawngde hawzawshe prat hta, bum ga na dingla myi-myap langai wa gaw, galu galang re hpaihka pyi tsawmra malawng nna, hpaihku hkan Ari pali hte ahkang she ahkang tawn ai dumhpau sanat hpai let, sak 9 ning du sai gashu Gam Htoi hte madum yinwang de shawa dumsu wanawng sa gau rem rem rai u ai. Raiyang lana de mi na ningrim ten hta, hkauna shingnawm hkaraw na maih- pang hpun ndung e uri lung ai chye lu ma ai majaw, sa gyam gap bang wa masai. Gaji dui gaw gashu Gam Htoi hpe wan shanan nan shangun nna, myap myap map map, dan n dan re gata hta, "Pung!" nga di gap dat u yang, "Hpraw hpra buk!" nga di hkrat yu wa sai hte rau; "Gam Htoi, Gam Htoi, u ri hkrat yu wa sai, lau sa hta la su!" "Dui la, u ri mahkoi nrai kun? Kagyin tsip zawn re mi she hkrat yu wa sai. " " Hpraw pra she shara kra rai sayang myi, ganing rai nna u ri nrai na rai? waw, lau sa hta la su."
Gam Htoi a gaji dui pawt wa ai zawn nga hkra tsun nga ai majaw, wan shanan myap myap re sha gangat lang nna, u ri sa tam hta ngu sa wa ai Gam Htoi gaw maling gata kaw nna: "Dui la-- Kagyin tsip ga e ayai taw nga ai law.. awh, u ri ula langai mung taw nga ai law. awh, Dui la e, acha le .•. U ri ndai gaw ya chyahkring sha naw rai yang grai ja malan mat ai wa i ?" ngu jang, gaji dui sa wanna: "AWh... Pai singkaw hte hkra magyi gap daw ya ai hku rai nga ai, um.•• Sa sa, Gam Htoi, wa saga, u ri hpa wa malum sha na re. " Shandui nta du wa yang, Gam Htoi a gawa hte htingbu dingla sumpum mi dawdap e jahta nga mala ai. Gam Htoi gaw gabu gara hte: "Wa, an- dui u ri ula langai lu gap ai." Nga gawa hpe singgyin htingba na uri shaw ya u ai." Gawa gaw u ri hpe wanmang makau e gale galau di yu nna: "Eh... U ri ndai gaw grai ja malan mat sai wa rai nga ai, ning- ma kaw pyi gaw yat manam mat sai wa rai nga ai. "
Gam Htoi gaw gawa a makau e wa chyajawm dung nga nhtawm: "Wa, dui la mi yat sha gap jahkrat dat ai re law... Dui la gap jahkrat dat ai gaw Kagyin tsip she re ngu yang, aga kaw wa krat taw jang gaw u ri bai tai mat ai re law. Gaji dui gaw chyahpung dun e dung yup nga let: "Um. Dai gaw sanat jap ai majaw byin ai re. " Dingla langai wa gaw shakum e shanat tawn ai sanat dai hpe gale galau masawp hk- rai masawp yu nna: "Um... Teng ai, teng ai, sanat ndai grai jap ai baw rai nga ai, Inglik prat na sanat pyawng nan rai nga ai, shingrai nna she chyahkring sha naw rai yang, u ri manam mat nga a hka !" nga nna jawm mani mahka nga ma ai.
