GALANG HTE U
LAGOI TING NAM
Moi shawng de galang langai hte U yi langai nga ai da. Shan lahkawng U amyu hpan nhung ai raitim, Galang hte U yi gaw shan shada grai tsaw ra hkat ma ai. Shing rai, Galang gaw U yi hpe shi a prat tup na ningrum ningtau jan shatai na hku myit daw dan da sai. U yi mung Galang a dam lada ai tsawra myit hpe hkap la da sai hte maren, shan lahkawng ga sadi langai jawm tsun da masai. Dai ga sadi gaw tachyawp rai nga ai. Galang gaw U yi hpe tachyawp hte mahtan da sai, U yi mung hkap la nna ga sadi jaw dat sai re majaw, shan lahkawng gaw aten nhtoi du jang hkungran poi shang na sha rai sai. Rai yang, U yi gaw shi a lam hpe ga- nu kawa ni hpe wa tsun dan ai shaloi, ga- nu yan kawa gaw grai mau, grai pawt let kasha hpe tsun ai: Ti -nang hte amyu nbung ai, sai nrum ai hpe gaw gara hku raitim myit nhkrum lawm ai nga tsun sharin shadum ai majaw, U yi myit grai ru mat nu ai.
U yi gaw ti-nang hte amyu nhung ai Galang hte sumtsaw tsaw nna jam jau hkrum nga u ai, raitim, U yi gaw kanu yan kawa a ga hpe ntawt lai lu nna, Galang a mahtan tachyawp hpe gabai kau nhtawm, madu hte sai hkrum ai U la hte hkrungran poi shang mat nu ai. Gade nna yang, Galang gaw ga sadi jaw tawn ai hte maren, U yi hpe hkungran la na matu sumtsan ga nna wa yang, sumtsaw jan U yi gaw dinghku num rai mat sai hpe wa mu ai majaw, grai mau ai hte yawn ai hte rai mat nu ai. Shing rai, Galang gaw U yi hpe ngai a mahtan ja tachyawp htang ya rit ngu hpyi ai shaloi, U yi gaw nang a tachyawp hpe ngai gabai kau sai ngu tsun dan u ai. Galang gaw grai pawt mayu ai hta n-ga na mau mat nu ai. Galang masin na pawt nna Uyi hpe tachyawp mu hkra tam u, tachyawp nmu tam ya jang, nang a gashu kasha U hkai ni hpe rim sha kau ya na ngu jahkrit dat nu ai. U yi gaw shi galang mi gabai kau sai Galang a mahtan ja tachyawp hpe gade hkan tam yu tim, nmu tam mat sai da. Shing rai, maten daini du hkra Galang gaw U hta sha nga ai, U kanu ni mung aga hkan lagaw hte ahtu ah- pre hkawm ai gaw Galang a tachyawp hpe tam ahkrai ai hkrang re nga nna tsun ma ai.
