LET BA

LET BA

JI BU

Moi, shayi num sha langai hpe shadang sha marai 7 e lani jan mi sha sa hpyi hkrup ma ai da. Shaloi, num kasha a kanu kawa gahpu gayung ni gaw num sha hpe: Nang a da-ma manam ni hpe nang ra ai lata la u. Ngu tsun ai majaw, num kasha gaw da - ma manam ni hpe malu masha galaw hkungga jaw u ai da. Hpang jahpawt du jang, num kasha gaw da-ma la 7 dai ni hpe shat bai shadu jaw nna, shani shat mung galaw shagun rai wa kau shangun nu ai da. Lam rum ai majaw, la 7 dai ni gaw shani shat jawm hpyan sha ma yang, shanhte yawng a si htu matep gaw U shan hkrai rai nga ai, raitim, nbung nga ai, langai a gaw U baw, langai a gaw U singkaw, langai a gaw U lagaw, langai a gaw U kan, langai a gaw U pu, langai a gaw U sin, langai a gaw U chyangaw maidang ni rai nga nna, la 7 dai ni jawm sumru yu ai hpang, shanhte hpe roi ai she rai sai ngu myit la lu nna, num sha hpe wa je yang na matu bai nhtang masai da.

Num sha gaw hpun ndung kaba kaw lung makoi lagyim nga yang, la 7 ni tam abram hkawm wa ai shaloi, hpang jahtum na la langai wa e num kasha hpe mu ma- da kau dat sai da, raitim la dai naw mau nga yang, num sha gaw la sha dai hpe hkum shaga ngu ta hte hkrang madun dat ai hta n-ga, nang n shaga jang ngai nang kaw wa na ngu, shan shada n-gup chyup let ga sadi jaw hkat ma ai da. Shing rai, daini du hkra Lisu ni ga shaga yang, shinglet kachyi mi laba dat dat rai shaga ai gaw dai shani kaw nna byin ai re nga ma ai.