SHINGKYIT LANGAI, NMAW LAM LANGAI (ONE BELT ONE ROAD)

Lahta na ga baw hte seng nna, shawng nnan achyum hpe shawng sang lang dan na nngai. Ading tawk lachyum byan yang “Shingkyit langai, Nmaw Lam langai” ngu lachyum pru tim, ginra masa, sut masa, shinggyim wuhpawng masa hku lachyum hpyan ra ai majaw manu ai hku byan yang “Masa Sha-yan, Nmaw Lam Hkren,” ngu yang htuk manu nga ai, ginra matut nmaw lam kaba gaw gap nna, hpaga kaba dut mari, ginlen sa wa na sut hpaga, bawng ring masa hkrun lam maden gawgap masing kaba rai nga ai.

Ndai masing kaba hpe 2013 ning hta Miwa Asuya Gumsan Mungdan Gum San Mr. Xi Jin Ping woi ning shawng nna, gumhpraw arang gam bum jawm garan bang nna mungdan 60 jan daram hte jawm gawgap sa wa na masing kaba rai nga ai. Miwa kaw na Asia Dan, Europe Dan, Africa Dan Sinpraw hkran de matut ginlawm wa na nmaw lam kaba masing rai nna, ndai jaw prat a bungli kaba masing hku gran wa ai rai nga ai.

Nmaw Lam kaba kru gran da ai hpe mung chye lu ai.

1.China-Mongolia-Russia-Corridor

2. New Eurasian Land Bridge

3. China-Central Asia-West Asia Corridor

4. China Pakistan Corridor

5.China-Bangladesh-India-Myanmar Corridor

6. Indo-China Peninsula Corridor ngu ai Miwa mung daju tawn hkridun kyithkai nmaw lam kaba 6 hpe gran da masai rai nga ai.

Panglai Nammukdara hkrun lam kaba mung lawm rai nna Miwa mung Panglai daru kawn Singapore, dai kawn Mediterranean de matut ai hka lam rai nga ai.

Numshawng hpang na masing gaw Asia hte Europe dan kaw shawng galaw nhtawm mungdan 60 ram jawm galaw na masing re. Nammukdara, panglai ginra ni hte Africa dan Sinpraw chyen ni mung lawm na rai nga ai.

Miwa ningbaw Mr. Xi Jin Ping gaw Asia ka-ang ginra hte Asia Sinpraw dingda de Central Asia and Southeast Asia) sa chyai ai shaloi Silk Road (Ri Lam)and Economic Belth (Sut Masa nbat ginra) hte 21st-Century Maritime Silk Road (Panglai Nammukdara Ri-Lam) galaw na matu myit ning chyan shaw nna woi galaw hpang sai. Ndai nmaw lam kaba masing gaw nbung ai lamu ga man yawng hpe pawng hpawm galaw wa na sut masa mahkrun de ginlawm wa shangun na hte ningpawt gaw sharawt masing rai nhtawm, n bung ai amyu htunghking ginlen hkat ai, gunrai hpaga maden shangun wa na lam ni shabyin ya na masing rai nga ai lam re. Ndai masing hpe woi galaw na matu Asia ginra Gawgap Arang Gumhpraw Dum (Asian Infrastructure Investment Bank - AIIB) hpaw nna hkrang shapraw sa wa na re. Asia Ginra Gawgap Arang Gumhpraw Dum (AIIB) hpe China hku nna 2013 October hta tang madun let woi hpang sai. Tara shang hkrang (frame) hpe 2015 ning June 29 hta Beijing kaw sen htu nna galaw hpang wa sai re.

Myenmung gaw ndai masing hta shang lawm na n shang lawm na hpe tara shang dawdan n dau ai lam n nga shi ai raitim hpang de lawm ra wa chyalu rai nga ai. Jarit mayan amyu sha ni a matu gaw FPNCC hku nna One Belt One Road hpe hkap tau la ai lam ndau laika hta bang dat masai, ndai baw masing kaba ni shang wa jang Rawt Malan wuhpung ni a matu gaw mung shawa ra ai hku, mungdan kaba ni ra ai hku hkan nang myithkrum ra wa chyalu rai nga ai. Aten galu hpaga lam yan masing kaba re majaw mahkyen law law shajin da nna shawnglam hpe gaw gap ra nga ai.

(Shamyet shanat laika hku na nnga shi ai majaw Google search galaw na gle ka bang ai lam re.)

Henery