Jinghpaw Ga Malai Ni
Kachin Proverbs & Wisdom Archive / Letter H / Page 1
Browse the complete list of Jinghpaw Ga Malai (traditional Kachin proverbs) with meanings and explanations.
"Hka garai n kaba yang, mahkrai htan ra ai."
Hka garai n kaba yang, htan ra ai mahkrai hpe aloi sha galaw kau lu ai. Aten shalai nhtawm hka kaba yang mahkrai htan ai rai yang jamjau kaba hkrum chyen nga ai. Aten naw nga yang galaw shangut ra ai bungli hpe, ngut kre hkra galaw ra ai hpe sadi jaw ai ga re.
"Hpunau myit hkrum hpyen n shang, Wuloi wula myit hkrum sharaw n dang."
Kahpu kanau (sh) buga masha ni myit hkrum mangrum, kahkyin gumdin nga yang, kaning re hpyen mung, kata de n shang shalau lu ai. Dai zawn wuloi wula ni myit hkrum nga yang, matse ai sharaw mung n shang kawa lu ai. Myit hkrum ai hte hpyen hpe makawp maga lu nga ai lam shadum ai ga re.
"Hpyen wa a kumhpa gaw hkrit hpa re. (Rawang)"
Hpyen wa nga ai hte maren, shi kaw na lu la ai kumhpa mung, myit kaja hte jaw ai n re majaw, sadi maja ra ai hpe sadi jaw ai ga re.