JAHTUNG SUMTSAW
MARU GAWNG
Nshawn Pranggum bumsen ngu ai bum ndai hta, Lahprat Lu yan Jahtung Gam a sumtsaw maumwi hpe daini du hkra hkai nga ma ai. Moi Japdaw ga kaw gaida gasha Lahprat Lu ngu ai tsawmhtum shayi langai nga ai. Dai Lahprat Lu gaw Lahprat La Ring yan Nhkum Nang Seng a shayi sha re. Laning mi na yinam ta hta, shanla gaw gasha Ma Hkawn hpe mung woi rai, makru daw gun nna Sam pa de n gu sa galai ai lam kaw Yu li sa hkrum nna nta pyi ndu wa ai, lam la- pran kaw shanwa lahkawng machyi si mat masai. Dai hpang kaw nna shannu gaw mat- san mayan ayak ahkak re gaida yan nu tai mat masai. Gasha sak 12 ning du ai shaloi, shayi ma kaba wa sai, bu hpun palawng tsawm tsawm re sha mung nlu mari jahpun ai ngu naw myit law nga yang, mare na nta htinggaw mi nat galaw sha na nga nna, shi kaw U sa tam mari ma ai, shaloi shi U kanu rim dut ya kau nna, gumhpraw sha gun rai, gasha hpe Lasa pa Mandung gat de Hkawnglu poi woi sa u ai. Nang Seng gasha hpe poi kaw dut ai buhpun palawng htau mi mari ya nna galai hpun shangun jang, ma dai gaw aka- jawng sha tsawm ai mu mat nna, Hkawnglu poi sa ai ni yawng mayawng Lahprat Lu hpe sha chyu hkan yaw yu mat masai. Gasha tsawm ai hpe masha ni shade yu sharawng ya ai hpe kanu mung myit pyaw mat rai poi kaw nga jan loi mi shadu kau masai.
Raitim dai shana gaw shagawng shana re ma-jaw, shannu shata jan hpe manang shatai nna chyang chyang rai wa masai. Shannu grai chyang nna wa ai, bum lam na sha-u nawng makau na Nung chyinghka sa - ra kaw, ntsin wa lu la let, gat kaw nna mari gun ai bapa mung wa jawm makret sha let naw sa dung nga yang, shannu a pang de nna me dingla langai mi gumra masum mali gawt nna pru wa ra ai. Dai dingla gaw shannu hpe wa mu ai hte, ya nannu gaw yuptung tung sayang wa me ndai kaw sha anga nga ai gaw, sa sa, anhte nta de wa manam mat saga, hpawtde jau nna wa mu ngu saw wa sai. Shannu mung ningsin nau sin sai majaw krawn sha hkan nang mat wa ma yang, dingla a nta gaw shannu galoi pyi mu yu ai grai grai tsawm ai wutdek nta kaw woi shang wa nu ai. Shanhte du bang wa jang, dingla de nta masha ni yawng mayawng shannu hpe sa yu nna, Lahprat Lu hpe sha yu tsawm dum nna tsun gari si nga masai. Dai hpang kaw la sha galu kaba tsaw tsaw rap rap re langai mi bai shang wa ra ai, shi gaw Lahprat Lu hpe mu ai hte grai sha- rawng shara nga nna; Numsha ndai gaw ma ni ngai hkaraw kaw Nga sa rem yang wa shat di nga ai num sha rai nga ai, dai shaloi ngai pyi ganoi woi wa yu sai ngu tsun u ai. Dai shana nta madu ni shannu hpe shat lu sha mumu maimai shadu shachyip jaw nna, shannu mung grai chyeju dum let lu sha la nna yup mat wa ai, pang jahpawt dum pru wa yang gaw jan pyi tsawmra mi lung mat ai sha nrai, shannu gaw Lungpu langai kaw she yup taw nga ma ai hpe rawt gajawng si masai.
Grup yin mada yu yang mung masha hkawm ai nmu, nta nga ai mung nmu, shana na wutdik nta galaw tawn ai shara gaw shannu shabying chyingdaw sa di di re shara she rai taw nga la sai. Nta du wa yang, nta chyinghka ni malawng mala rai taw nga la nna, shannu gaw masin pyi amya di kau ai zawn nga hkra mau gajawng nna, n-gu ndum kaw n-gu loi mi bang da ai mi she lagu ru la kau ya sai kun ngu, shatdap de shang wa nna n-gu ndum wa ahkrak yu yang, n-gu gaw hpring hpring rawng nga la, Ushingjat de sa mada yu yang mung, shingjat shagu Udi manu mana rawng nga la, garap kaw noi tawn ai naw- hpu bang ai ka byet hkan mung shan chyahkraw pring hpring rawng nga la ai lam hpe shannu mau nma sai. Shingrai kanu gasha hpe annu hpe matsan dum la na gahtawng masha gaw kadai wa myi nchye nga na re, ganing nga tim mana annu wa yup ai kaw na ni she rai ang sai, Azet e, ya nang gaw masha ni ra ai nga nna sa hpyi ai nga jang num lawan wa mat u lu ngu nu ai. Dai shani kawn na num sha dai ndum shami singga hta gun nna Sha-u de hkrai sa wa wa rai sai. Sak 15 ning du ai shaning na lani mi hta, yup rawt e Lahprat Lu kanu hpe yup- mang langai hkai dan ai; Nu, la shabrang grai tsawm la ai wa mi ngai hpe gumra jawn nna sa woi la ai.
Dai shani mung shawoi na zawn Sha-u de sa nna, nawng makau hkan shana yup- mang hta mu ai shabrang hpe sumru let, lungdin lungsha ni hta kabai chyai rai, mau sumru taw nga yang, yupmang hta shi hpe sa woi la ai shabrang dai byawn rai ra ai. La gasha dai shi hpe sa ahpum tawn nna tsun ai: Ngai nang hpe mungkan ntsa hta tsawra dik mat ni ai, ndai gaw anhte nta na Nga nawng re, ya nang ndai hkanawng kaw dinghta shinggyim sama gashin kau jang woi mat wa na ngu rai, sumtsaw sumra ga ni woi jahta nampu nampan di kai ya di asawng bang wa nu ai. Shana de ningsin rim nga wa ai hte, la sha dai num sha hpe nang ndai kaw naw nga taw u, ngai gumra naw wa dun la nna nannu a nta de wa ga nga nu ai. Teng sha shi gumra dun pru wa nna, shan lahkawng gumra jawn let shannu a nta de du wa ma- sai. Ningsin sin tim gasha jan ndu wa nna, kanu gaw myit law garen let shat shadu let gasha galoi wa pru wa wa ngu la nga yang, shinggan de gumra dingsi ngoi ai zawn nga ai shingran mi na dat nna naw galaw madat nga yang, pan de dikdak dikdak nga ai gumra hkawm nsen pra pra na dat ai hte, gasha jan nu nu nga shaga dat jang, kanu nshungsi hprwi ngu let htan dat let ndaw de pru wa nna, ma nang gaw daini hpa majaw ningsin sin sayang she wa ndai rai ngu pawt dat nu ai, shaloi gasha jan gaw nu ngai hkrai nre ai, manang ni hte she re, nga jang, kanu grai kabu let ya gara kaw nga nga ngu san dat nu ai.
Gasha jan nhku de shang wa let; Htaw rapdaw kaw wa dung nga ai le, nu, dai rapdaw de hpun rai marai re hkum kabai dat lu ngu bai mat- sun dat nna, kanu mau mat sai, rapdaw de hpa masha dung ai mung nmu ai mi, ma ndai gaw hpa byin wa sai kun ngu, nhtang de she hkrit wa nu ai. Shana shat hkut nna shat sha shaga dat jang she, teng sha wa la shabrang wurim wungam rai nna atu asan rai grai tsawm ai wa mi dung pru wa sai. Kanu mau nma nna shat pyi nchye sha mat nga yang, gasha jan gaw; Nu an naw wa sana, nang my- it hkum law, 3 ning du jang nu nang hpe bai wa jahkrum na nga nna tsun da nna hkawm mat wa masai. Dai shana kaw nna kanu gaw mau ai hte, hkrit ai hte rai, lani hte lani, shata hte shata, laning hte laning la she la nga sai. Masum ning rai ndu ai laman hta, nta kaw n-gu ni simaw simai hkumhkum tsup tsup wa tawn da ya, gasha hpe gaw nmu ma- da rai, 3 ning du hkra la kau yang she, lana mi na shagawng shana de ta maka dan ndan nga re ten hta, Nga manu mana gawt nna mayu ga de hpu dat wa mara ai.
Gasha jan shawng kanu hpe: Nu, anhte ninghkri ni manaw manang makyin jinghku ni yawng rai ga ai, nga nna, kanu mung ngai nanhte hpe 3 ning tup la kau sai, ya ngai hkri ni ganang du wa masa ngu san jang, ninghkri ni rapdaw hkan dung kajang nga ma ai, nang dai rapdaw hkan hkum sa hkawm, ninghkri ni hpe gabye hkra na, ngu u ai. shi bai gahtap tsun ai; Nu, ngai htaw rapdaw lawu dun e ma shayup tawn ai hkum wa hpaw yu lu, ngai hka naw sa gan ja n-ga m kau da nna, hka nhtung sha baw gun al hka lam de rai mat wa sai. Kanu gaw ngai hpe wa mi ma hkum hpaw yu nga ai gaw, ngai shu gaw ganing re wa rai kun ngu, wa lagu hpu yu yang, ma dai gaw la gasha rai nna myi langai sha tu ai wa rai nga ai. gasha jan hka ja gun nna nta du shang wa ai hte, nu nang ma hpaw yu da nu ai ngu wa pawt jang, kanu gaw ngai nhpaw yu nngai ngu ningdang u ai, gasha jan gaw ganing rai nhpaw yu, shinggyim masha ningsing manam nga ai le ngu let, kanu hpe le wulawng na Nga ni hpe jum naw- hpu manam ai lahpaw hpaw-tsaw ni hkum sa kabai jaw lu, ngu tsun let, shanhte naw wa sai nga nna pru mat ma wa masai. Dai hpang jahpawt Lahprat La Ring jan Nhkum Nang Seng gaw, gasha jan tsun ai ga hpe lale let, jum majap naw hpu bat manam ai lahpaw hpaw-tsaw singga mi sa ru sharut jaw dat nu ai. Shaloi Nga dai ni hkrit gari nna nyawt she ngu, wulawng she ga hkra jawm shachyat hprawng atun mat wa masai. Nang Seng mung dai Nga ni hpe hkrit ka- jawng ai ja si mat nu ai. Dai Lahprat Lu a hpu nga hprawng mat wa ai re majaw, daini du hkra, Japdaw, Manhkum mare hkan na jaugawng ni hkwi lu hkwi sha sa na rai yang, Udi langai mi hte Lahprat Lu a ahpu wa hpyi ga ngu hkringdat nna gyam lu gyam sha sa yang, nshut ai sha lu gyam sha nga ma ai.
