RU SAI SHINGTENG AMYING

Wunpawng (Kachin = Taung Zo ) Amyu lakung lama ni yawng gaw kadai mung kadai Amyu Ru Sai, Labau, Shingteng Amying ni nga shajang, lu shajang ai hkrai rai nga mali ai.

Dai Labau lasang amyu ru sai shingteng amying ni hpe tinang a ru sai labau lasang hta hkan nna shamying lang hkrat wa ga ai majaw kadai mung kadai jaw ang ai lam rai nga ai.

Shing rai Karai Kasang gaw Lhaovo (Maru) amyu hta Zao” Bug’ ( Tangbau) Amyu bawsang langai hpe mung Munghkan ningtsa hta nga pra lu na matu hpan shalat da hkrum nga ga ai. Ndai Zao” Bug’ ( Tangbau ) amyu sha ni ya aten hta Wunpawng Mungdan kata sha n-ga mungdan shara shagu kaw chyam bra nga shajang nga ga ai hpe mu lu nga ai.

Zao” Bug’ ( Tangbau ) amyu ni a htinggaw mying ga shadawn hku loi mi ka bang tang madun shalawn dat ai Bui Tsam, Lazuk, Hanggau, Bamwaw, Wanghte, Hpuk Jawng, Shizo, Yawngba, Daumang, ( Miwa mung shadan krung), Chyin Yu, Jum Qu Minzai Lakat, Wawne, Ja Qam ngu nga pra shajang nga ga ai hta rai yang Zao” Bug’ ( Tangbau) ngu amyu hta Marip Tangbau, ngu ai shingteng amying Zao” Bug’ ru sai labau hta tsep kawp n lawm n mu yu nngai.

Wunpawng Mungdan Uma ga Mali Nmai wa lawng hte Hkrang wa lawng de nga ai hpu nau ni a ga ningkap tsun shaga ai Maru Tangbau, Nlam, Wa Na, Nhkang Hpau La, Hka shu hka sha hprup Sumpra sha ngu ai ga ningkap hkaja tawn ai) dai majaw hkrang walawng ga na Marip ru sai ni yawng Tangbau Zao” Bug’ ru sai ni hpe hpu nau ngu shaga la ma ai.

Marip amyu ni a ningpawt gaw, Jinghpaw hku Marip wa, kumja magam a matu mara ni, Lhaovo ( maru) ga hku Cham Loe gang Hraw myid ni ngu tsun hkai ai hpe mu yu na yu ai.

Zao” Bug’ ( Tangbau ) a lam hpe Laiza shi shaman hku loi mi tang madun sanglang dan mayu ai lam gaw, Laiza shi shaman 2020 Volume 8 Issue 3 laika man 13 BAW SANG NI A RU SAI MYING NI ngu ai ga baw kata na:-

Ndai sawk ka K-Zai Balen ngu ai hpu nau wa tang madun tawn ai hta Tangbau hpe marip hku tsun shamying da ai lam gaw n jaw n teng ai lam re. Ndai kaw galu kalang kaga nsang lang sai, kadai mung kadai chye na tawn ai hku tsun shaga shamying da ai lam re ngu chye na hkat ra ai, Rai timung Zao” Bug’ Laqu ( Tangbau) kasha ni mu shut, chye na shut, kam shut na tsang ai majaw htai sanglang dat ai lam re, Zao” Bug’ ( Marip Tangbau) ngu n nga ai, n na yu ai, Zao” Bug’ amyu ni a ru sai labau hta Marip Tangbau ngu n lawm ai lam, Tangbau Amyu ngai sha, ngu shu ni yawng hpe hpaji jaw shadum jashai dat ai law.

Amyu Ru Sai Magam Hta,
Uma Zai
Ja Yang + Laiza