Htunghking ngu nna tsun ai shaloi, Num jaw Num la ai lam gaw htunghking a ginrung lam madung rai nga ai. Dai majaw, htunghking hpe gawn ai shaloi, Num jaw, Num la lam kaw nna hpang ra ai. Shawng e Shinggyim Masha ni gaw, ka-ang la ni ngu ai la kaman naw shawng nga ai. Dai hpang e gaw, ka-ang masha ni ngu ai Ma hte Num ni mung, nga wa sai. Dai Ma ni hte Num ni gaw galoi kaw na nga lawm wa ai nga yang, Matsaw Ningtsa de na Num la ai kaw na lu wa ai ni rai nga ai. Mahtum Mahta ni kaw na Mahtum Kaw Tsai Lat ngu ai hpe la ai.
1. Mahtum Kaw Tsai Lat hpe Mashang Wa Labat la ai. Mahtum Kaw Tsai Lat ni sharung shakau ni gaw,
(1). Nhtu (2).Ningwawt Lungleng (3). Tsihkrung Tsiwa
2. Mu Di shayi hpe e Gasang Wa e la ai. Mu Di shayi ni sharung shakau ni gaw,
(1). Nhtu (2). Mam nli (3). Manaw shingnan
3. Madai Ma Ja Nga hpe Ja Wa Rum Ja e la ai.
Madai Ma a sharung shakau gaw, Matsaw Ningtsa ni hte Shinggyim Masha ni mying ningkap shabung la ai, amyu shabung la ai. Mayu rai nga ai Matsaw Ningtsa ni hpe hkungga ai kaw na Matsaw Ningtsa jawjau ai lam byin wa ai. Dai majaw, Matsaw Ningtsa de gun sa ai shatlit hte daini Mayu ni kaw gun sa ai shatlit gaw maren sha, baw ai. 4. Manau Dum ai lam - “Manau” ngu ai ga hkum gaw, “Mu Nau” ai ngu ai kaw na pru wa ai ga re. Jinghpaw ga hta Lamu ngu ai kaw na “La” hpe la kau nna mu hpe ga hkum nsen ngap ngu kau jang, “Mu” tai wa ai. Mu nga jang, lamu a madu hpe tsun mayu ai. Shing rai, Lamu ngu ai gaw shara rai nna, Mu nga jang gaw shara a madu hpe tsun ai. Dai wa hpe hkungga jawjau ai shaloi, “Nau” ai ngu nna lang ai. Shing-rai, “Mu Nau” ai nga jang, Lamu mau hpe jawjau ai ngu mayu ai. Mu Nau ngu ai kaw na tsun ai na wa jang, “Manau” nga mat ai. Dai “Manau” gaw, “Mu Dai” ngu ai Mu ni yawng a ginjaw gindai jum ai wa hpe e “Mu Dai” ngu nna shamying ai. Dai hpe tsun ai na wa jang “Madai” byin wa ai. Shingrai, “Manau” shani gaw Madai hpe jawjau ai shani rai nga ai. Dai wa gaw, “Mu Nat” ni a kanau hpungdim Ma Yaw rai nna, Nat Uma wa rai nga ai.
4. Hkungran ai lam
Wunpawngsha ni a hkungran ai lam hpe madi shadaw ai lam (sn) shabyin ai lam kaba masum rai nga ai.
(1). Nawku makam masham lam (Hkungran ai shaloi, Nat jaw ai) (2). Shinggyim masha wuhpawng (Hpu bang ai) (3). La sha hte Num sha hpe kahkyin shinggyin kau ai lam ni rai nga ai. (Kumba lai ai)
5. Hkung-ran ai hpe lachyum shapraw ai shaloi,
1). Nam Banda ni hkungran ai lam shawng tsun ai, dai kaw na nat Hpunnu Hpungam ni hkungran ai kaw du hkra, gawn ai. 2). U Hkinji hkungran ai kaw nna U Gaw Hkung-rang ni hkungran ai kaw du hkra, gawn ai. 3). Dusat kaji kaw na Magwi manang hkungran ai kaw du hkra, gawn ai. 4) Mali Hkanu ni num wa ai hpe gawn nna Shinggyim masha ni mung, Num wa Num la ai lachyum hpe shapraw mat wa ai.
6. Mang Bru ai lam
Manau poi hkik ai hte maren, Mang Bru poi mung hkik-hkam ai poi langai re. Masha langai mi a jahtum poi mung re. Dai poi hta, ahkyak ai daw lahkawng rawng ai. (1). Si majun gawn ai lam (2). Mang Bru majun gawn ai lam Ndai lahkawng gaw Shinggyim masha ni a nga pra ai maka kumla hpe shadan dan nga ai.
7. Htunghking ni
(1). Kumba shalai ai lam (.2). Hpunau Kumba jun ai (3). Hpu Bang ai lam (4). Sharung shakau ai (5). Kasa san ai (6). Jadip Jahpang (7). Ningkawn jaw ai (8). Kabung Bau gindawng ai lam (9). Hkinchyang gap ai (10). Mang bru ai lam (11). Mang shabawn ai lam (12). Hkungga Nawng ai lam (13). Shatlit Baw ai lam (14). Manau dum ai lam (15). Shadung jun ai lam (16). Dawhpum jung ai lam (17). Sumrai Hka Daw ai lam (18). Ru Hka Daw ai lam (19).Galaw lu Galaw sha ai lam (20). Mayu Dauma Makru jung (21). Nnan sha (22). Shadip lup ai lam (23). Jahtawng htu ai lam (24). Matsi htu ai lam (25).Na Na ai lam (26). Mare du san ai lam (27). Lam Tsu ai lam (28).Jawjau ai Nat ni (29). Mang kashin ai lam
Pungga Ja Li
Shanhpyi Laika Sawkgyin Makan Dap, HLD Laiza Mare
