SHAT KAN ANA NGU AI HPA RAI TA?

Shat kan ana gaw masha yawng hta grai byin chye ai ana hpan langai rai nga ai. Dai majaw yawng chye da mai ai daw hpe garan kachyan ya mat wa na nngai..

Shat kan kata ana byin /hpye ai lam

Shat kan ana hpan (2) nga ai.

-Langai gaw shat kan si ai ten hta machyi wa ai baw ana rai nna langai gaw sha hkru ai ten hta machyi ai ana rai nga ai.Gara hpan hpe mung hkrit ra ai re.

Shat kan ana a kumla ni gaw

Shat kan ana ngu ai gaw masha kaji kaba hta byin chye ai ana hpan langai rai nga ai shat kan ana machyi wa yang gaw kraw ka-awn madawn ai, kan mase wa ai, kan gahtet machyi ai, hkri ai ntsin madawn ai, kan jabung, kan ju machyi ai, ana grai sawng wa ai rai yang sai hkyi nyi ai lam ni byin wa ai re.

Ana Byin Wa Ai Aten Ladaw Ni

Nnan daw

Kan a ntsa daw de ( shadai a ntsa daw) hta nga n pyaw ai lam ni byin wa ai.

Lapran daw

Kan machyi ai, hkri ai ntsin madawn ai, madawn wa ai, kan mase ai lam ni byin wa ai.

Jahtum daw

Sai kan sa ai lam ( pu kan lam hta sai pru wa ai ni mung gayau nna byin wa chye ai) grai sawng wa yang ndum malap wa ai lam “Shock” byin wa chye ai sha n-ga Shat kan Mawng ana “ Cancer” ni byin wa chye ai.

Malu Masha Sha Na Lam Ni

1.Malu masha ni hpe kalang sha ai ten hta kaji sha hte lang law law sha ya na, lani mi yawm dik 4-5 lang sha ya na

2. Kya ai lu sha ni hpe sha ya na, jap ai baw lu sha ni hpe n mai sha ai,

3. Katsi ai baw lusha ni hpe tsep kawp n mai sha ai.

4. Malut lu ai rai yang tawn kau ra ai, Tsa chyaru lu sha ai rai yang tawn kau ra ai, grai hka ai hpa hka ntsin ni n mai lu ai, Coffee n mai lu ai.

5. Grai nai ai baw lu sha ( nbaw shat ) ni n mai sha ai.

6. Pepsi, sprite zawn re namsi ntsin ni n mai lu ai.

7. Shamu shamawt ai lam nga ra ai hte yup hkru hkru yup ra ai.

Tsi gawn lajang ai lam ni gaw shat kan ana byin ai rai yang ni nawn ai tsi rung kaba ni hta atsawm jep , tsi gawn lajang ai lhpe hkam la ra ai.

Tinang a myit ra ai hku nna tsi mawan hpe tak nna sha ai lam n galaw na matu mung yawng hpe shadum dat nngai.

Madung lakap nna ka ai laika buk
Chong chin hpyen tsi rung

Ka lajang ai
Dental tsadoi