WA MAYAN SI HKAI LADAT

A Si Hpan (2) Nga Ai

1. Tum kaw gawng sha yak ai hpan

2. Gawng sha yang loi ai hpan

Bawng Bra/Hkai ai daw

Wa mayan si hpun gaw lum ai ,kahtet sa-up ai duhkra ladaw hpe ra sharawng ai hpan re, hka chyu chyu ai,hka ing ai hpe n ra ai.atum hpe bawng bra shalat loi ai hte bawng kaw matut la ai hku nna mung hkai mai nga ai.

Wa mayan si hpe sha ngut ai hte tum hpe kalang ta bawng bra mai ai,tum bra la na shara hpe dik galaw ai hta zaini hte ntsa lam na ga hpyi hpe gayau lajang sumli rai,dik tsaw de 5”- 6” galu de tinang ra ai made tawn la mai ai. Tu pru wa ai hte Plastic sumbu 4”x 7” hta htawt bang da mai sai. Dai plastic sumbu hta bang na ga hpe ntsa lam na ga hpyi htam-2, nga hkyi namhpun htam-1, zaini ga htam-1, hpe gayau bang na,bawng la mai ai.hkai bawng asak-1,2 ning du jang hkai pa de htawt hkai mai sai.Hkai na ni, hkran gang shadang hpe -15'x15'hte hkai yang manu sai. Eka mi hta nhpang (194) hkai mai ai hkai nhkum hpe 1.1/2 x 1.1/2 htu nna dai nhkun hta atsawm yat sai du sat hkyi hte n’tsa lam na ga hkyi bang gayau rai, yi nam shang lamu ga madi ra ai hte htawt hkai mai sai.

Gawn Lajang Ai Daw

Laning mi hta (3) lang nam hkyen tsan,shakrin ya na,laning mi hta n law htum (2) lang nga hkyi namhpun (or) dat namhpun N.P.K hpe bang ya na,mai byin yang ginhtawng ten sun ting hka jaw,hka len bang ya na hkai tawn ai hpang 6,7 ning re hte asi si lu ai.Wa mayan si di dut ngut ai hte hpun ni a hkring sa la ai ten hta lakung lakying matep tsan kau ya na ,asi n si ai (tydkukdif;) ni hpe tsan kau ya na.hpun pawt kaw pawm ya ai lam ni galaw ra ai.

Pru Shadang

Wa mayan si hpun asak (10) ning grup yin re hpun lawn (1) mi hta asi tum hkying lahkawng n yawm ai si lu ai si langai mi hta Myen Gumhpraw lap 40-50 lu mai ai hpunlawn nhpang mi hta lap 80,000/- Eka mi hta hpun nhpang 194x80,000=15,520,000/-lu mai ai. Dai re majaw anhte Wunpawng amyusha ni a ginra hte mung htap htuk manu ai ndai wa mayan si hpan hpe jawm hkai sha ga ngu tang madun dat ai.

Naw Tang Bau