AJINOMOTO

Si shum (Flavor enhancer) Shing n-rai Monosodium Glutamate; MSG gaw crystal ahpraw hkrang rai nga ai, Chemical mying hta “Sodium” ngu ai gaw Jum sha rai nna “Glutamate” gaw Amino acid hpan langai rai nga ai hte “Amino Acid” gaw Protein dat kaw lawm ai (Unit) kaji langai re majaw Si shum gaw Amino acid a “Jum” sha rai nga ai, Si shum kaw lawm ai chemical dat hpe yu ai shaloi hkumhkrang a matu hkrit tsang ra ai lam n-nga ai majaw Amerikan malu masha hte tsi mawan FDA, Mungkan Hkamja Rung WHO kaw nna malu masha shadu kachyawng ai hta mai jai lang, mai sha ai malu masha hku masat da ma ai.

Si shum a labau kadun Si shum hpe 1908 shaning hta Japan Mungdan, Tokyo Imperial Dakkasu na Professor Kikunae Ikeda ngu ai wa shawng nnan sawk shapraw lu ai rai nna Professor Ikeda gaw “ Kombu” ngu ai Seaweed (Panglai makrat lap) kaw nna crystal ahkyeng rai nga ai “Glutamic acid” hpe chyim yu ai shaloi Japan amyu sha ni grai ra sharawng ai Seaweed soup shatmai ntsin namchyim hte bung nga ai majaw dai Glutamic acid hpe “Umami” (grai mu ai) ngu shamying da ma ai re.

1909 shaning hta Professor Ikeda gaw Glutamic acid hpe Patented (Hpaji madu ahkang aya) la nhtawm Jak rung hku galaw shapraw nna Japan ga hku “Ajinomoto” (Malu masha kri gindai namchyim) ngu ai brand dazik hte dut hpaga galaw hpang wa sai re.

Si shum gaw hpa hte galaw ai?

Ya aten Mungkan gat lawk na Si shum ni gaw Nai kadung, Jumdwi pa ni hta “enzyme” jat bang la nna Jumdwi dat gale la lu ai hpang “Corynebacterium” shing n rai “Bravibacterium lactofermentum” ni bai jat bang, Bacterium ni hta Nitrogen bang rai, hpang jahtum Sodium “Glutamate acid” lu wa ai shaloi gayau lawm ai dat maza ni hpe shaw kau nna “Monosodium Glutamate” jet jet hpe la ai re. Si shum gaw hkum hkrang hkam kaja lam a matu tsang ra ai kun ?

Si shum hpe htuk manu ai shadawn shadang hte sha mai ai, Thai Mungdan na tsi mawan hte lu sha rung ni sawk dinglik da ai hta, Thai Mungdan kata si shum hte n htuk ai masha tsa lam shadang (1) daram sha nga ai, dai majaw si shum hpe htuk manu ai shadawn shadang hte sha ai rai yang asak hkra machyi ai madang gaw n nga ai ngu mai tsun nga ai, raitim ladu lai sha yang asak hkra machyi wa mai ai gaw hkum namnak 60 Kg. daram nga ai masha, Si shum hpe 1 Kg. sha ai rai yang gaw asak si sum ai de du wa mai ai raitim shinggyim lu sha masa hku rai yang kadai mung Si shum hpe kalang lata dai daram sha na matu gaw n mai byin ai, kaga namchyim malu masha ni hte maren Jum, Jumdwi hpe mung ladu lai ai shadawn shadang hte matut manoi sha nga ai rai yang hkum hkrang hkam kaja lam hkra machyi shangun mai ai. Dai majaw Si shum gaw masha tsun jahta ai hku hkrit tsang ra ai malu masha gaw n rai nga ai raitim sawt ai si shum hpe aten na na matut manoi sha nga yang hkumhkrang hkam kaja lam hkra machyi wa mai nga ai.

Si shum ajet hte sawt ai Si shum shing nrai “Sodium borate” lawm ai Si shum gara hku shai hkat ai hpe garan ginghka ai ladat gaw Si shum hpe hpri zun hta sumpum (2) kaw na sumpum (1) bang nhtawm Wan hte nat dat ai shaloi Si shum ajet gaw yawng achyang rai hkru ma mat ai, Borate dat gayau lawm ai si shum ni gaw Wan n hkru ma ai angaw angam pa ni hpe mu lu na rai nga ai, lai wa sai ten Si shum gaw manu hpu ai majaw sawt ai dat amyu myu hpe si shum hta gayau lawm shajang ma ai raitim ya aten na Si shum galaw ai Technology gaw madang grai tsaw mat sai majaw Si shum manu mung yawm mat nna Sawt ai Si shum galaw shapraw dut hpaga galaw ai lam mung yawm mat sai.

Si shum hpe jai lang ai ladat gaw Jum shum ai shing nrai Hkri ai lu sha ni hpe namchyim grau htuk manu wa hkra dai malu masha namnak kaw na tsa hta shadang (0.1-0.8) daram jai lang yang htuk manu sai, dai hta jan ai hku bang ai rai yang Malu masha a namchyim madung hten wa nna ‘Umami” ngu ai namchyim hpe n lu hkam sha na rai nga ai.

Source: https://www.sciencefriday.com › articles › is-msg-bad-for-...
https://en.wikipedia.org › wiki › Monosodium...

Gauri Shagawng