SINHKRAW ANA NGU AI HPA RAI TA?

Masha langai a hkamja lam lu na matu Sin gaw ahkyak nga ai.

Sin gaw masha a hkra maga garep jahtum npu kaw nga nna, sha bang dat ai malu masha ni hpe hkum hkrang kata ra nga ai n-gun ni hpe galaw shapraw ya nga ai. Sin n kaja ai sha sin hkraw byin ai wa kadai wa raitim asak kadun nga ai.

Sin hkraw ana byin ai wa gaw n myit mada ai sha sai pru n ngap ai lam ni, Sai prat / sai madawn wa ai lam ni, kan sa yang sai lawm ai ( sai kan sa ai lam ), kan tit lai wa ai ( kan kaw hka rawng ai ), jit nsa mat ai lam, jit yawm ai, dai sha n ga kalang lang myit n gring wa ai lam ni byin wa ai. ndai lam ni gaw sin hkraw ai ana grai sawng wa sai kumla ni re.

Sin hkraw ai ngu ai gaw sin kata na cell ni ningma nga hten za mat wa ai lam re. dai majaw sin kata na cell ni si mat wa ai majaw sin hkraw mat wa ai re dai ten hta masha a hkum hkrang ni chyang mang mat wa ai lam ni hpe byin wa shangun ai. Kaja wa tsun ga nga yang sin kata na si mat wa ai cell ni hpe mi na zawn mai tsai wa lu hkra tsi lajang na gaw nmai byin ai.

Sin hkraw ana byin ai machyi masha ni gaw Sin bungli galaw ai lam hkrat wa ai sha n-ga asak si sum wa ai madang du wa chye ai.Sin hkraw wa ai majaw shat kan de ahtu hkra ai, Shat lu sha sha mayu ai myit yawm mat nna kata na sai lam kaba baw wa ai lam ni byin wa ai. Dai majaw sai madawn ai lam, sai kan sa wa ai lam, kan jabung ai lam, kan machyi ai lam, kan kata hka law wa ai lam byin wa ai.

Sin n kaja ai majaw sade hten wa chye ai jit ji yawm ai lam, jit n ji mat ai lam, jit sa shadang grai yawm mat ai, sai n gun yawm ai lam ni byin wa ai re.

Sin a majaw bawnu hten wa chye ai Myit mang ai lam ni n dum ndam byin wa ai re. ,myit ana lu ai wa zawn byin wa ai, masha ni hte n bung mat wa ai, masha a matsing nyan ni hkrat mat wa ai, sin kaja wa yang bawnu myit mang ai lam ni bai kaja wa mai ai. Sin a majaw sinwawp hten wa chye ai

Masha malawng maga madawn ai kumla ni madun wa ai, ndi gram ri zawn re sai kating ai lam ni byin wa ai, Sin hkraw wa ai lawnglam gaw tsa chyaru ladu shalai lu sha ai ni, tinang hkum tinang tsi mawan ni hpe ladu shalai sha ai ni, sai bang yu ai labau nga n nga, nta masha ni a labau, Virus ana kanu a majaw, laga latung sat tsi ni jai lang ai ni byin chye nga ai. Sin hkraw ana lu ai machyi masha ni hpe ga gadoi tsi gawn lajang yang n mai ai.

Dai majaw sha tsi jaw sha ladat hpe law malawng jai lang ma ai. Sin ana n byin hkra sadi na ladat gaw, mungshawa ni yawng hpe sin hkraw ana kaw lawt lu na matu

1. Machyi makaw byin ai ten tsi mawan hpe majoi hkum sha sarawun matsun la ra ai.

2. Tsa chyaru ladu lai hkum lu.

3. Gat lawk ntsa dut shabra taw ai malu masha ni hpe majoi hkrup mara hkum sha.

4. Namlap, namlaw/ namsi ni hpe law law sha let ginsup nga yang sin hkraw ana kaw na lawt lu na re ngu hpaji jaw tsun mayu nngai.

Dental Tsa Doi
Madung lakap na la ai laika Dr. san
(Bei jin tsi datkkasu/ NO(1) tsi rung)