TSAW MYIT HPE HKAMLA N MAI SAI

TSAW MYIT HPE HKAMLA N MAI SAI

MA MUN

Mungkan ntsa e masha ngu ai gaw, shayi num sha ni mi rai rai, shadang la sha ni mi rai rai, lama chyinghkai nu a kritung gata kaw nna nkrawn kap nang di nlu tsi shamai chye ai ana ahkya amyu myu lu, shing nrai galu kaba wa laman hta shi hkrai shi paw pru wa nna nu tsi shamai hkra re hkrawn kap ana lu re ni hta lai nna, kaning re nrung tu ai wa mi rai rai, sinda nbungli gut zawn ra tsawm ai jan mi rai rai, tinang madu a sak prat ram ten du jang, num hte la rau nga nna kun dinghku ngu ai jawm de sha hkat ra ai ni hkrai rai nga ai. Dai ma- jaw, kun dinghku ngu ai jawm de sha hkat hpang sai dai shani kaw nna gaw, tinang a nga sat nga sa lam hta ga- ning re ruyak jamjau hkrum gatut sha tim, dinghku lit hkam ra ai ngu myit nna shakut sharang sa wa ra nga ga ai. 2005 ning yinam ta na lana mi hta, mungdaw asuya sutgan majen je rung dap kaw mu ham di Brang Di gaw, shi hte ma prat kaw nna rau run rai nga galu kaba wa ai, mayu e mung hkau hkat dik ai manang Seng Li hpe "Lu Bu hpa-hka ntsin lu seng" kaw hpa-hka sa lu chyai rit nga ta chye- nan hta saw shaga dat u ai.

Seng Li hte Brang Di gaw kadai mung gade a asuya bungli nau kyindut hkat ai ma- jaw, myiman chyaw chyaw rai nhkrum shaga hkat lu mat ai tsawmra na ma- sai, shingrai, Seng Li gaw ta chye-nan madat ngut al hte, shafa lahkum kaw nna ngoi rai rawt ai ta mani sai sai rai grai kabu ai zawn rai hkra shi a mawdaw jip jahkring da di shara de gagat pru mat wa nu ai. Mawdaw jahkring shara kaw gat du al hte Seng Li shi a mawdaw jip gawt nna Brang Di saw shaga ai sha- ra de shapyen mat wa nu al. Lu Bu hpa - hka ntsin lu seng makau kaw du di hte Seng Li gaw mawdaw hpe lam makau kaw Jahkring da nna, mawdaw chyinghka hpaw la kau dat al hte lahkam tin tin rai htawt let adingtawk rai hpa-hka seng chyinghka lam de hkawm sa wa nu ai. Chyinghka lam kaw hkawm du al hte, Seng Li gaw Brang Di shi a sumtsaw jan Lu Bu (Hpa-hka lu seng lauban ) hte kaga shayi num sha lan- gai mung lawm rai, gat ya de mada mu ai hkalap makau kaw dung nga ma ai hpe shawng sa mu dat u ai. Seng Li shanhte a makau e hkawm du ai hte, Brang Di ngoi rai rawt tsap nna: "Hkau Li, gai! gai! Ya ngai ndai hkri jan hpe she naw shawng shachyen dan de." Nga tsun let, shayi sha dai jan de gayin yu dat ai hte rau, shayi sha mung ngoi rai rawt tsap nna, gaya gaya re myiman nsam hte mani sai sai rai Seng Li hpe yu nga nna, Brang Di shachyen dan ya na hpe la nga sai. Myi grup mi na laman sha, Brang Di gaw grai kangka myitiawm ai zawn rai hkra: "Hkau Li, ndai hkri gaw sumlut gasha re, shaga mying gaw Lu Mai nga ma ai, maning sha Yinnan amyu dakkasu jawng na hpaji janmau gup lu nna pru wa di re, ya gaw mung- daw asuya rung mung masha gawn lahku dap kaw bungli shang galaw nga ai.

Shi gaw manaw manang ni hte mung grai chye hkungga tsawra ganawn mazum ai hta n- ga, madu amyu sha ni hpe mung grai tsawra makawp maga chye ai myu tsaw myit dinghpring dik ai shayi sha rai nga ai." Nga hkap shachyen dan u ai. Lu Mai hpe shachyen dan ngut ai htawm, matut nna Brang Di gaw Seng Li a labau lara sat lawat ni hpe Lu Mai hpe bai tsun yan dan hpang wa sai: "Hkri Lu, ndai wa gaw ngai hte hkauchyap dik ai, ma prat kaw nna numhpu hte tun rai rau jawm gasup chyai let nga galu kaba wa ai Lahtaw Seng Li ngu ai wa re. Shi mung dakkasu hpaji janmau gup nna, ya gaw shi laika dap kaw bungli shang gaiaw nga di. Bai nna ya shi gaw{ Myithkrum shi lait ka dap Jinghpaw hpung na mu madu lit mung naw hkam gun nga ai wa re. Lama hkri nang anhte Jinghpaw myu sha ni hte seng ai shiga re ka shabra mayu rai yang, ndai hkau Li hpe ap ya jang rai sal." Nga Seng Li hpe dung u nga pyi ndum tsun hkra hkap kabu shachyen dan nga u ai. Brang Di shachyen dan ngut ai hte, Seng Li gaw ta lahkawng Lu Mai hpang de ladawn dat nna shada ta Shakram hkat nga let: "Ganam ma- jing ang nga ai, nta buga kaw nanhte sumlut gasha ni hte kun dinghku jawm de sha hkat ai anhte myu sha htinggaw ni grai law ga ai, gu ngu shaga yang n shut ai yaw, ganam." Nga Lu Mai pe tsun yan dan u ai.

Dai htawm Seng Li manyi sagoi hte: " Salang Di wa, nang gaw an-gu hpe tsap chyingdang nga nna hpa -hka ntsin lu shangun nga na hku yi?" Nga san dat jang, Brang Di a makau kaw dung nga ai shi a sumtsaw jan Lu Bu mung: "Re le, bahte ning Lu hpe she shatsap tawn hkra wa shachyan dan ra yi? " Nga tsun bungjat dat ai lata, Brang Di hte mi mi na saw hkat tawn ai zawn rail galang ta: "Raw! Raw! Lau she dung nga saga!" Nga jawm tsun dat masai. Dai htawm, Seng Li gaw mi Lu Mai dung ai makau na lahkum kaw, Lu Mai hte hkrep rai dung dat nu ai. Yawng dung hkrat jang, lauban jan Lu Bu gaw yawng a hka-gawm kaw hpa-hka ntsin galang grup rai ru jau da nna: "Ba, ning Lu, Brang Di hte nanhte masum abwi sha naw jahta chyai nga mu, ngai kaga manam ni hpe naw sa yu gawan shaga dat n ga." Nga tsun nna rawt mat wa nu ai. Lu Bu rawt mat wa ai hte, ganam Lu Mai gaw Brang Di an hte mi mi na ganawn mazum man dik ai manang zawn, ana hkat ai lam gachyi pyi n rawng ai, an nhpa jahta yang nhpa hkan jahta nang lawm re hta n-ga, shi a myit lu lam re ni bai tsun yan dan dan rai, myit hpaji ram ram chye hpyi ai shayl num sha she rai nga ai. Dai shana shanhte masum jawm jahta hkat ai lam ni gaw, madu a nga sat nga sa lam re hta lai nna, law malawng gaw madu amyu sha ni hte seng al htunghking laill, sutgan gaw maden, lalka hpaji sharin achyin shakut shaja sa wa na lam re myu lam magup rai nna, shada hpaja jaw galai hkat ai hku mung rai nga ai. Jahta hkat sa wa al laman, anhte masum gaw shada and hkat ai lam gachyi pyi n nga ai majaw, je jahta je she pyaw dum dik mat saga al.

Shing- rai, dal shand anhte masum gaw ndum shamyl shana yuptung na-yi hkying masum jan du hkra jawm jahta kau nga ga ai. Hpang jahpawt gaw kadai mung asuya rung naw lung ra di krai re hte maren, Seng LI shawng: "Ganam hte Di wa, rai niaw jahta hkat chyai shi ai zawn nga tim, she naw kring sa mat saga, hpawtni pawtna hkan aten ahky- ing shaw na bai hkrum jahta chyal na nhten?" Nga dat jang, ganam Lu Mai mung: " She mal le, an gu ni hawm hpang de jahta chyal na aten nhtawl gade she naw law na." Nga hta htan dat u ai. Shingrai, Seng Li hte Lu Mai gaw hpa - hka ntsin lu seng lauban Lu Bu kaga manam ni hpe hpa -hka ntsin naw taw jau kyin hkawm nga di pe mu nna, Brang Di pe shi a sumtsaw jan hpe chyeju htang ai ga ni naw htawn shana ya rit ngu htet da nna, shan shawng rawt hkawm mat wa masai. Hpa-hka seng kaw nna pru wa ai htawm, Seng Li gaw Lu Mai hpe shanhte a rung chyinghka lam kaw du wa htaw sa da nna shi mung shi a nta de nhtang yu mat wa nu ai. Dai Shana hkrum jahta chyai hkat ai kaw nna, Lu Mai gaw shanhte rung ni ginwang daw hkan mu bungli wa htam hkawm shagu, Seng Li hpe shiga sa hkan sawk ka ya rit nga sa saw lang lang rai u ai. Ndai zawn rung na bungli hte seng nna mi rai rai, mayu e manaw manang ni hte shat seng hkan Shat sa pru sha kawm chyai mi rai rai, ndum shamyi 2009 ning na yi-nam ladaw bai du jang, Seng Li hte Lu Mai chye la hkat ai aten 4 ning ladu hk- rum sai.

Masha ngu ai grau nna gaw num hte la ganawn mazum hkat ai aten nhtoi nau na wa jang, shada myit masin chye machyi hkat wa re hta n- ga, sumtsaw balen ningtuk mung naw chye jung hkat wa nga ai. Seng Li hte Lu Mai mung maren sha, madu a mu htam bungli hte seng nna mi rai rai, rau ganawn mazum sa wa di aten nhtoi 4 ning ting du mat wa sai majaw, madu a lai kyang hpe shada da ma ma chye hkat mat sai hkrai rai nga ai. Dai majaw, ndai zawn re mabyin ma- sa ginjang hta, lama shan lahkawng atsawm nmyit yu ai myigrip mi na pyaw ngawn ai hpe sha ngu nna gan myit shut sa yi nga yang, htawm hpang na nga pra lam hta yawnhkyen myiprwi jawm mayut na gaw chyalu sha rai nga ai. Bai nna Seng Li gaw shi madu hkum madu dinghku la rai sai, dingh- ku lit hkam ra di nga myit dum chye ai majaw, Lu Mai a tsaw myit hpe nmai hkam la ya sai hta n-ga, shi madu Lu Mai hpe myit marit tsawra dik ai tsaw myit ni yawng hpe mung shi a kraw wang myit gata kaw sha mai dip bang tawn da sai. Shingrai, Lu Mai gaw Seng LI a myit ru myit yak lam hpe chye myit tau ya ai hte maren, lama shi Seng Li hte rau sha da-ngam naw ganawn ma- zum nga yang gaw, Seng Li a kun dinghku jahten shabya kau ya na chyalu sha rai nga ai nga myit dum myit hprang di hta n-ga, shi tsawra dik ai Seng Li prat tup jawlup awng ba- dang wunli lu ai hte nga ngwi nga pyaw Iu na matu nga myit ai majaw, 2009 ning na ningshung ladaw hta nja nhpra dik ai mylt hte Seng Li hte shi a manaw manang ni yawng hpe marit mylprwi hte shakram kau da nna, Yinnan mungdaw kaba asuya mungchying sha akyu htam rung de htawt lung mat wa sai.