MANAM TAWNG HTE JINGHPAW LABAU
MARAN NAW MAI
Mungkan ntsa, shawa a ngu ai, wuhpung wuhpawng a ngu ai, amyu hte mungdan a ngu ai kadai n majan yang gaw, amyu hte mungdan a akyu ni mat mat na sha rai nga ai. Madu a alyu hta hkrat sum ai lam n nga yang mung, amyu hte mungdan a matu akyu yi ngam mu lu na n rai nga ai. Salang Manam Tawng daining sak 60 ning du mat wa nu ai. Shi sara manang ni shi hpe tsun ai: Eh, salang wa e nang gaw sak grit htum 200 ning sha gaw pra ra sin dai, shing n rai yang nang sagawn da ai, {Manau jaiwa hte shaning 7000-8000 ning du ai Jinghpaw ginru ginsa ni gaw kadai gat hkai na re ta da. Nkau bai tsun ai: Manang wa e nang gaw, na matu pra ai re ni Jinghpaw ni na matu pra ai re ni? Na Jinghpaw labau ch yu ch yupch yai nna nang madu rawng na dum nta pyi gaw garai n galai nga nit dai le! nga та ai. Galoi nhtoi rai tim myutsaw myit nmat ai salang Manam Tawng gaw, KSakhkung myithkrum shi laka)) Dap dap up mung galaw lai wa sai. Sakhkung mungdaw pati rapdaw hkaw shabra dap dap up mung galaw lai wa yu sai, bai nna Sakhkung mungdu pati rapdaw laksan dinggrin rapdaw salang ni galaw lai wa yu sai, rai yang dai shi woi uphkang ai rung dap ni hta mung nshut nshai ai yingam ningtsam ni mu mada hkra woi galaw lai wa yu sai.
Dai zawn asuya du galaw nga ai ten ni hta raitim, shi gaw myu a hkye hkrang la ra nga sai, ginru ginsa labau ni hpe tsantsan myi hte mu da nga ai majaw, asuya du galaw let myu a ginru ginsa labau sagawn shakut nga ai majaw, shaning 7000 jan ning du ai Jinghpaw ginru ginsa labau hpe e, mungkan chyam hkra ginjaw CCTV4 kaw nna shabra kau dat sai. Dai ni na Jinghpaw mungkan hta e, kadai gara hku mi tsun tsun, salang Manam Tawng chyu sha, anhte mungkan Jinghpaw labau hpe e, shaning 7000-8000 du nna nshut nshai ai, maumwi mausa hku nrai ai labau sakse madun lu ai ‚ginru ginsa labau hku sagawn da nga u ai. Shingrai Miwa gumsan mungdan ginjaw CCTV shapoi dap 4 ni gaw, ndai Jinghpaw amyu ni gaw gaja wa anhte Miwa gumsan mungdan na Yen hawng Jan hkaw hkam wa a gashu gasha ni re ngu ai hku nna, salang Manam Tawng hpe e, CCTV 4 kaw nayi manit 30 du ai shaning 7000 ning laman na Jinghpaw ginru ginsa labau hpe e labau sakse rung rai hte rau, hkai shabra shangun laiwa masai.
Ndai zawn re akyu yingam gaw, mungkan Jinghpaw labau hta akyu kaba dik ai yingam ni rai nga sai. Lai wa sai ten ni hta, salang Manam Tawng gaw, kadai kaw manu jahpu shabrai nhpyi ai, kadai gara mungdan jarit n masat ai, mungkan Jinghpaw amyu sha ni hpe e, nambat 3 lang du hkra Jinghpaw ginru ginsa labau zuphpung ni hta yawng chye na ra hkra, labau sakse rungrai ni shaw madun dan, Jinghpaw amyu ni nga shanu yu wa ai lamu ga sumla ni madi madun dan rai nga u ai majaw, sa du dung nga ai ni yawng gaw, asan aleng chye madat mara la shajang nga ma ai. 2011 ning shata 1 nhtoi 19 ya shani na, Shwili naura wang e hpaw ai : Shwili Muse nambat 3 lang Jinghpaw ginru ginsa labau zuphpawng hta mung, sa du lawm ai masha gaw, Miwa mung, Sam mung, Gala mung, Myen mung re hkan na sara kaba ni, Jawngma ni yawng hpawn masha 100 jan rai nga ma ai. Zuphpawng hta masha law malaw sara Manam Tawng hpe hpaji hpyi ai ga si ni:
1. Sara: Anhte a Manau poi nhtoi hkru ta 15 ya kaw masat ai gaw anhte a ginru ginsa labau hta nga a ni ?
2. Sara: Anhte a Manau shadung 10 re hte, 4 re gaw gara madaw jaw a ta?
3. Sara: Anhte chye lu ai hku rai yang, Manau jaiwa gaw, Jinghpaw ga ginsi hkumtsup dik ai, Jinghpaw ginru ginsa labau laika buk rai nga sai, ndai zawn re laika dai ni anhte Jinghpaw mungkan hta e, makam masham hpung shagu hta, asuya rungdap shagu hta jai lang ra nga saga ai, ndai hpe e anhte manau jaiwa jawng hpaw yang nmai na kun?
4. Sara: Jinghpaw labau hpe e, galu galang azin ayang wa nrai tim, gadun dawk hkren sha di nhtawm, Jinghpaw jawng hkan lang nahte, maigan amyu ni san wa ai shaloi tsundan na matu gan shapraw yang nmai na kun?
Salang Manam Tawng tsun ai :
1. Anhte a manau poi hpe e, kap shata 1 praw 15 ya kaw shagrin da ai gaw, anhte a 7000 ning a shawng na manau labau kaw hkan ai re. nhtoi dai gaw hkru ta shagawng ngu ai re, dai majaw manau poi nh toi dai gaw anhte a labau hta hkan nna, jaw ai hku htuk ai hku shagrin da sai manau poi nhtoi re, dai majaw daini anhte madu amyu a htunghking manau poi nhtoi hpe mungdan asuya tara shang ai hku shagrin da lu sai hte maren, anhte madu amyu a htunghking poi hpe anhte nan hkungga la ra saga ai, anhte amyu a manau htunghking poi nhtoi ngu tawn nhtawm, poi nhtoi nre hkan manau poi ngu nna manau nau shajang ai gaw, anhte madu nan madu a htunghking poi nhtoi hpe ahpyak la ai lam re nga u ai.
2. Anhte a manau shadung 4 hte 10 re gaw lahkawng yan jaw ai. Raitim ya nkau kau tsun shajang ai ,Miwa mung na shadung gaw 4 re, Myenmung na gaw 10 re nga ai gaw shut ai lam re. Labau hku nga yang moi na manau shadung gaw miwa mung na Myen mung na yawng mayawng 4 sha re. Manau shadung 10 wa du ai gaw, Lawhkum Ja Dim prat kaw nna htihtang manau ngu nna, moi na gumchying gumsa du hpe dawm kau nhtawm, manau shadung htung masa hpe mung, daini kaw nna gaw prat dep ai, hkumtsup ai, htunghking manau she jawm manau saga ngu ai lach yum hpe shadan ai lachyum re majaw, dai htihtang manau shadung gaw, manau shadung 10 sha rai tim, moi shawng de na manau myu 10 jan na shadung maka ni yawng hkum hkra gahkyin bang da ma ai. Dai re majaw gaw lahkawng yan jaw ai, raitim, manau shadung a hkumtsup lam hte tsawm ai shingkang ai lam hta gaw shadung 10 re manau shadung rai nga saga ai nga u ai.
3. Re! Manau jaiwa na ga ginsi ni gaw nat ga n re ,Jinghpaw ga nsa ga ningkring ni hkrai re ,ga ningkap ga ginsi ndai ni daini na kyu hpyi ai kaw jai lang ra ai, dumsa ai kaw jailang ra ai, shamying shaman hte shaman hkaw ya hkan, ka lu ka sha hte ga laika gale re hkan grai lang ra nga ga ai re majaw, hpa hpung mi rai rai, hpa rungdap mi rai rai ,Jinghpaw laika sha Lang hkra ai rungdap gaw, ndai manau jaiwa ga ginsi ni shaw lang ra nga ga ai re majaw, manau jaiwa jawng gaw nan nan hpaw ra saga ai. Gara hku hpaw na gana hpaw na gaw, seng ang ai asuya du ni hte seng ang ai jawng, sara ni naw jawm bawngban nna hpaw wa na re nga u ai.
4. Re! Jinghpaw labau hpe daini du hkra jaw ai hku hkren ngu nna gadai nka da lu nga ga ai majaw, maigan amyu ni san wa ai shaloi kaning ngu nchye tsun dan ai hta n ga, ya kaba wa nga ai ma ni san wa ai shaloi du kaning ngu nchye tsun dan nga ga ai. Laiwa sai ten ni hta anhte hkai ai Jinghpaw labau gaw Jinghpaw labau nrai Jinghpaw maumwi she rai nga ga ai. Dai re majaw ya anhte sagawn jahkrup da ai ginru ginsa labau ndai hpe gaw, hkumtsup ai hku dip shabra ai hpang, jawng kaw lang na hte gadun dawk ngu nna hkai lu na laika buk ni mung naw shapraw wa na re nga u ai. Daini anhte Jinghpaw amyu ni, laika bai shalat la lu ai shaning 100 jan ning du mat wa timung, anhte a labau hpe tup hkrak sagawn da lu ai masha n nga nga ga ai, ya daini salang Manam Tawng sagawn shakre wa nga ai Shaning 8000 du ai Jinghpaw labau ndai gaw, tengman ai labau rung rai sakse mu lu ai Jinghpaw labau rai nga sai.
Jinghpaw labau hpe shaning 800 kaw nna, shaning 8000 ning du nna sawk sagawn hkye hkrang da na gaw, salang Manam Tawng hta lit kaba nan rai mat ang sai. Salang Manam Tawng myutsaw myit nsung chyung ai rai yang, kun na sutsu lam sha myit ai rai yang, Jinghpaw amyu a grau hkikhkam ai labau daw kaba hpe tat kau na sha rai nga ga ai. Dai majaw salang Manam Tawng gaw, mungkan Jinghpaw amyu ni a shaning 8000 ning du ai, ginru ginsa labau a chyeju madu nan rai nga sai. Dai 2011 ning na nambat 3 lang jinghpaw ginru ginsa labau zuphpawng hta mung, gade e me sara kaba a jawng gawk manu shabrai njaw tim, shi gaw si mani hte tsawra myit hte jinghpaw ginru ginsa labau hpe e, miwa mung na lamu ga sumla madun dan nhtawm, Si-an Paugyi, Zhyinhai, Sichawn, Sakhkung, Sammung, Myenmung Galamung hkan nga bra mat wa ai ginru ginsa labau ni tsun shadan dan nga u ai rai.
